Londonning "Arsenal" klubi o‘z yarim himoyachisi Jorjinyoning transferi bo‘yicha takliflarni tinglashga tayyor, u yanvar oyida "Chelsi"dan 12 million yevro evaziga jamoaga qo‘shilgan edi.
Jurnalist Grem Beylining xabar berishicha, "Arsenal" shartnomasi bir yildan keyin tugaydigan futbolchisini sotishga tayyor. Ushbu transferga A Seriyaning uchta klubi qiziqish bildirmoqda - "Milan", "Lasio" va "Napoli".
Eslatib o‘tamiz, Jorjinyo 2021 yilning kuzida UYEFA talqini bo‘yicha Yevropada mavsumning eng yaxshi futbolchisi sovrinini qo‘lga kiritgan edi.