"Ливерпуль" ярим ҳимоячиси Наби Кейта Бундеслигага қайтиши мумкин.
Германиянинг Sky Sport нашри хабарига кўра, 28 ёшли гвинеялик футболчига Бременнинг "Вердер" клуби қизиқиш билдирмоқда. Наби ва клуб раҳбарияти ўртасида музокаралар бўлиб ўтди, футболчи эркин агент сифатида "Вердер"га ўтишга тайёр. Унинг "Ливерпуль" билан шартномаси 30 июн куни якунига етади.
Кейта Германия чемпионатида ўйнаш тажрибасига эга, у 2016 йилдан 2018 йилгача "Лейпциг" жамоасида ўйнаган, шундан сўнг "Ливерпул"га ўтган. Наби Юрген Клопп билан 2018/19 йилги мавсумда Чемпионлар лигаси ва 2019/20 йилги Премьер-лигада ғолиб чиқди.
Бу мавсумда Кейта асосий марказий ярим ҳимоячи бўлмади. У барча мусобақаларда атиги 13 та ўйин ўтказди, чунки у узоқ вақт жароҳатлардан даволанди.
