Каталониянинг “Барселона” клуби ҳужумчи Усмон Дембеле билан янги шартнома туза олишига ишончи ортиб бормоқда. Журналист Габриэль Санснинг хабарига кўра, томонлар ўртасидаги музокаралар ижобий кетмоқда.
Манбанинг таъкидлашича, ўзаро мақсад 2027 йилнинг ёзига қадар мўлжалланган чиқиладиган янги шартномани тезроқ келишиб олишдир. 26 ёшли франциялик футболчи кийиниш хонасида жамоадошлари билан шартномани узайтириш истагини аллақачон билдирган.
Дембеленинг "Барселона" билан шартномаси бир йил олдин тугаган, аммо "кўк-анорранглилар" Усмонни жамоада сақлаб қолишга муваффақ бўлди ва у билан икки йиллик шартнома имзолади. Раҳбарият беқарор ўйинлар ва футболчининг жароҳати туфайли узоқ муддатли шартнома хавфли ҳаракат бўлишидан хавфсираган. Бироқ, Усмон аллақачон ўзи ҳақидаги фикрини ўзгартиришга муваффақ бўлди.
