Римнинг "Лацио" клуби ёзда жамоани тарк этмоқчи бўлган ярим ҳимоячи Сергей Милинкович-Савичга нарх белгилади.
Журналист Даниэле Лонгонинг хабарига кўра, келаси мавсум охирида шартномаси тугайдиган ярим ҳимоячи учун "Лацио" 35 миллион евро талаб қилади.
Эслатиб ўтамиз, Милинкович-Савич аввалроқ Англия Премьер-лигаси клублари қизиқишлари доирасида бўлган бўлса, сўнгги пайтларда футболчига Туриннинг "Ювентус" клуби жиддий қизиқиш билдирган.
Милинкович-Савич мавсумни А Серияда 9 гол ва 8 голли узатма билан якунлади. Сербиялик футболчи 2015 йилдан буён “Лацио” сафида ўйнаб келмоқда.
