"Бавария" ҳалигача "Вест Хэм" ярим ҳимоячиси Деклан Райснинг трансферини амалга оширишдан воз кечгани йўқ. Журналист Флориан Плеттенбергнинг ёзишича, Мюнхен клуби англияликнинг атрофидагилар билан алоқани давом эттирмоқда.
Бироқ, ҳар куни "Бавария" раҳбарияти 24 ёшли Райснинг трансферини амалга ошириш ниҳоятда қийин бўлишини тобора кўпроқ тушунмоқда. Муаммо Лондоннинг “Арсенал” клубининг қизиқиши ва ярим ҳимоячининг ўзи Англия Премьер-лигасида қолиш истагида.
Райсни "Бавария" бош мураббийи Томас Тухель яхши кўради, аммо немис жамоаси бошқа вариантларни кўриб чиқишга мажбур бўлиши мумкин.