Европанинг кучли чемпионатларида жорий мавсум баҳслари якунига етди.

«Манчестер Сити» ҳужумчиси Эрлинг Холанд барча мусобақалар доирасида 53 та ўйинда иштирок этиб, 52 гол муаллифига айланди. Бу борада у мутлақ етакчига айланди.

Иккинчи поғонани «ПСЖ» форварди Килиан Мбаппе банд этди. Франциялик футболчи якунланган мавсумда ўз клуби сафида 41 та гол урди.

Роберт Левандовски («Барселона») 33 гол билан кучли учликка кирган бўлса, Харри Кейн («Тоттенхэм») 32 гол билан тўртинчи ўринни эгаллади.

Виктор Осимхен («Наполи»), Карим Бензема («Реал») ва Александр Ляказетт («Лион») эса 31 тадан гол муаллифига айланишди.

Мавсум-2022/23да Европанинг топ-5 чемпионатлари клубларида энг кўп гол урган футболчилар:

Эрлинг Холанд — 52 гол
Килиан Мбаппе — 41
Роберт Левандовски — 33
Харри Кейн — 32
Виктор Осимхен — 31
Александр Ляказетт — 31
Карим Бензема — 31
Муҳаммад Салоҳ — 30
Маркус Рэшфорд — 30