Италиялик ярим ҳимоячи Чезаре Казадеи 2023 йилги ёшлар ўртасидаги жаҳон чемпионатининг энг яхши футболчиси деб топилди.
20 ёшли италиялик 8 та ўйинда майдонга тушиб, 7 та гол урди ва 2 та голли узатмани амалга оширди. Шунингдек, Казадеи турнирнинг энг яхши тўпурари бўлди. Энг яхши футболчилар орасида иккинчи ўрин уругвайлик Алан Матуррога насиб этди, кучли учликка жанубий кореялик Ли Сеунг Вон кирди.
Казадеи "Челси"га тегишли. Ярим ҳимоячи ўтган мавсумни "Рединг"да ижара асосида ўтказди ва лиганинг 15 ўйинида битта гол урди.
Италия терма жамоаси U-20 ЖЧ-2023 финалида Уругвайга 0:1 ҳисобида имкониятни бой берди.
