Sport нашри хабарига кўра, "Атлетико Паранаэнсе" ҳужумчиси Витор Роке ушбу трансфер ойнасида фаолиятини Европанинг топ-клубида давом эттириши мумкин.
Ҳужумчига "Барселона" фаол қизиқиш билдирмоқда. Хабар қилинишича, каталонияликлар ҳужумчининг трансфери учун 45 миллион евро тўлашга тайёр.
Апрель ойида Рокенинг отаси "Барселона" раҳбарияти билан учрашгани ҳақида хабар берилган эди.
Бразилиялик футболчи учун товон пули 100 миллион еврони ташкил қилади. Футболчининг "Атлетико Паранаэнсе" билан шартномаси 2027 йилгача амал қилади.