"Интер" ҳимоячиси Милан Шкриньяр Словакия терма жамоаси учун Исландияга қарши ўйин олдидан фаолиятини "ПСЖ"да давом эттиришини айтди. 1 июль куни унинг миланликлар билан шартномаси тугайди.
“Ҳозир ўзимни яхши ҳис қиляпман, лекин ўйинларсиз ўз ўйин формангизни топа олмайсиз. Агар мураббий мени асосий таркибда ўйнатса, жамоага ёрдам бераман, чунки мен тайёрман ва қатъиятлиман. Келинг, Парижда, "ПСЖ"да нима бўлишини кўрамиз, лекин асосийси ўзингизни яхши ҳис қилишдир", - дея Шкриньярдан келтиради L'Equipe.
Апрель ойи ўрталарида операция қилинган ҳимоячининг соғлиғи парижликлар клуби раҳбарларини хавотирга солмоқда.
