АПЛда "Ливерпуль" ва "Лестер"даги фаолияти билан танилган футбол мутахассиси Брендан Рожерс фаолиятини Шотландияда давом эттириши мумкин.
Sky Sports хабарига кўра, "Селтик" мураббий билан ишлашдан манфаатдор.
Манбанинг қайд этишича, шимолий ирландиялик Шотландия топ-клуби раҳбарияти билан дастлабки музокаралар олиб борган. Келишувни муҳокама қилишнинг навбатдаги босқичи шу ҳафта охирида бўлиб ўтади.
Рожерс "Селтик"да тажрибага эга. У 2016 йилдан 2019 йилгача жамоани бошқарган. Брендан бошчилигида жамоа Шотландия чемпиони, мамлакат кубоги ва Шотландия лига кубоги соҳибига айланди.
