Ҳимоячи Жорди Альба "Барселона" билан шартномасини бекор қилди ва эркин агентга айланди. 34 ёшли испаниялик футболчи Англия Премьер-лигасига ўтишга тайёр эканлигини тан олди.
"Мен Премьер-лигани кузатаман, у ердаги муҳитни кўраман. Мен у ерда ўйнаган испаниялик футболчилар билан гаплашдим ва улар Англиянинг ўзгача эканлигини айтишди. Мен доим "бир кун келиб, балки..." деб ўйлардим, лекин мен бор эътиборимни "Барселона" ва Ла Лигага қаратгандим. Кўрамиз. Ҳамма нарсани ўлчаб кўриш керак", - деди Альба The Guardian нашрига.
Эслатиб ўтамиз, Жорди Альба "Барселона"нинг асосий жамоасида ўн бир мавсум ўйнади.
