Фабрицио Романонинг фикрича, Франкфуртнинг “Айнтрахт” клуби ҳимоячиси Эван Ндика фаолиятини “Рома”да давом эттиради.
Манбанинг хабарига кўра, 23 ёшли ҳимоячи шартнома тузишдан аввал тиббий кўрикдан ўтган. У эркин агент сифатида "Рома"га ўтади - июнь ойи охирида франциялик футболчининг "Айнтрахт" билан шартномаси тугайди.
Ўтган мавсумда у немис клуби сафида барча турнирлар доирасида 44 та ўйинда майдонга тушиб, 2 та гол урди ва 1 та голли узатмани амалга оширди.