"Ювентус" ярим ҳимоячиси Хуан Куадрадо ёзда жамоани тарк этади, деб хабар беради La Gazette Dello Sport.
35 ёшли колумбиялик футболчининг “Ювентус” билан шартномаси июнь ойи охирида тугайди. Манбанинг ёзишича, у туринликлар билан шартномани узайтирмасликка қарор қилган. Куадрадо хизматларига "Валенсия" ва "Фенербахче" клублари қизиқиш билдирмоқда.
Куадрадо ўтган мавсумда барча турнирларда 47 та ўйинда майдонга тушиб, 2 та гол урди ва 4 та голли узатмани амалга оширди.