Ярим ҳимоячи Жуд Беллингем "Реал Мадрид" тарихидаги олтинчи инглиз футболчиси бўлди, деб хабар беради Opta.
Бугун, 14 июнь куни Мадрид клуби ярим ҳимоячи трансферини эълон қилди.
Унга қадар Лори Каннингем, Стив Макманаман, Дэвид Бекхэм, Майкл Оуэн ва Жонатан Вудгейт мадридликлар сафида ўйнаган.
19 ёшли англиялик билан келишув 2029 йилнинг ёзига қадар мўлжалланган. 15 июнь куни футболчи "Реал Мадрид" футболчиси сифатида тақдим этилади. Қайд этилишича, трансфер суммаси 103 миллион еврони ташкил қилган.
2022/23 йилги мавсумда Беллингем барча мусобақаларда 42 та ўйинда майдонга тушиб, 14 та гол урди ва 7 та голли узатмани амалга оширди.
