Европа Миллатлар лигаси ярим финалида Хорватия терма жамоаси 14 июнь, чоршанба куни Нидерландияга қарши баҳс олиб борди.

Учрашувнинг 34-дақиқасида нидерландлар ҳисобни очди. Ҳужумчи Донел Мален ўз ҳисобига гол ёздириб қўйди. Жамоалар танаффусга 1:0 ҳисоби билан йўл олди.

Иккинчи бўлимда хорватлар ҳужумкорлик намойиш этиб, мувозанатни тиклади. Андрей Крамарич 55-дақиқада пенальтини аниқ амалга оширди. 72-дақиқада Марио Пашалич Хорватияни ҳисобда олдинга олиб чиқди. Бироқ, ўйин якунланишига бир неча сониялар қолганда Ноа Ланг ҳисобни тенглаштирди. Асосий бўлимларда ғолиб номи аниқланмади.

Қўшимча бўлимларда хорватлар гол урди. 98-дақиқада Бруно Петкович ўз номини таблога ёздирди. Ўйин сўнгида эса Лука Модрич пенальтидан унумли фойдаланиб, ҳисобни ишончли кўринишга олиб келди. Шу тариқа Хорватия терма жамоаси ярим финалда ғалаба қозонди.

Хорватиянинг рақиби 15 июнь куни бўлиб ўтадиган Испания — Италия учрашувида аниқланади.

Миллатлар лигаси, ярим финал баҳси
14 июнь, чоршанба
Нидерландия – Хорватия 2:4
Голлар: 1:0 – 34 Мален, 1:1 – 55 Крамарич (пенальти), 1:2 – 72 Пашалич, 2:2 – 90 Ланг, 2:3 – 98 Петкович, 2:4 – 116 Модрич (пенальти).
Нидерландия: Бэйло, Думфрис (Ланг, 85), ван Дейк, Гертрюйда, Аке (Маласиа, 105), Копмейнерс, де Йонг, Виффер (Вейналдум, 75), Симонс (Вегорст, 64), Гакпо (де Рон, 105), Мален (Бергвейн, 75).
Хорватия: Ливакович, Юранович (Станишич, 79), Вида, Шутало (Петкович, 90), Перишич, Модрич, Ковачич (Майер, 85), Брозович, Пашалич, Иванушес (Влашич, 78), Крамарич (Эрлич, 90).
Огоҳлантиришлар: Ковачич (17), Пашалич (24), де Йонг (38), Брозович (63), Ливакович (90), Копмейнерс (93), Маласиа (116).