"Астон Вилла" ўзига янги спорт директори тайинлашга яқин турибди. Хабарларга кўра, "Севилья" директори Мончи АПЛга йўл олади. Айни дамда икки жамоа ўртасида Мончининг 1.7 миллион фунт товон пули билан боғлиқ музокаралар кечмоқда.
Мончи тез орада Англияга йўл олади. У ерда Унаи Эмери собиқ клубдошини кутиб олади. Мончи аввал "Севилья"да Эмери билан 2013-2016 йиллар давомида ишлаган. Испаниялик мутахассис бирмингемликларни 13 йилда илк бор еврокубокларга олиб чиққан эди.