"Тоттенхэм" ҳужумчиси Ришарлисон "Реал"га ўтиши мумкинлиги ҳақида гапирди. Эслатиб ўтамиз, бразилиялик футболчи "Қироллик клуби"нинг амалдаги мураббийи Карло Анчелотти билан "Эвертон"да бирга ишлаган.
"Албатта, "Реал" — дунёдаги энг буюк клуб, ҳар бир футболчи шу жамоа либосида ўйнашни орзу қилади. Шу билан бирга, менинг клуб билан шартномам бор. "Тоттенхэм" мен учун бежизга катта пул тўламаганини исботлашим керак", - деди Ришарлисон.
Эслатиб ўтамиз, Ришарлисон аввалроқ "Реал" бош мураббийи Карло Анчелотти учун Карим Бензема ўрнига номзодлардан бири ҳисобланганди.
