33 ёшли германиялик ярим ҳимоячи Тони Кроос тез орада "Реал" билан шартномасини узайтиради, бу ҳақда инсайдер Фабрицио Романо ижтимоий тармоқ орқали маълум қилди.
Журналистнинг сўзларига кўра, “қироллик” клуби раҳбарияти тажрибали футболчи билан янги шартнома эълон қилишга ҳозирлик кўрмоқда. Томонлар ўртасидаги янги шартнома келаси йилнинг ўрталаригача ҳисоблаб чиқилади.
Кроос ўтган мавсумда 50 та ўйинда майдонга тушиб, 2 та гол ва 5 та голли узатмага муаллифлик қилган. Немис 2014 йилнинг июлидан бери мадридликлар шарафини ҳимоя қилиб келмоқда.