Ярим ҳимоячи Мануэль Угарте ёзда "Спортинг Лиссабон"дан "ПСЖ"га ўтишини тасдиқлади.
"Мен бироз дам оламан, шунинг учун "ПСЖ"да ўйнаш вақти келади. Мен гигант клубга ўтяпман ва ҳалигача бунга ишонмаяпман.
Мен жуда хурсандман", - дея Угартенинг сўзларини келтиради ижтимоий тармоқларда журналист Фабрицио Романо.
Романонинг қайд этишича, 22 ёшли Угарте аллақачон тиббий кўрикдан ўтган ва шартнома имзолаган. Уругвайлик ярим ҳимоячи июль ойида "ПСЖ"га ўтади.
Мануэль Угарта 22 ёшда. 2022/2023 йилги мавсумда уругвайлик футболчи 47 та ўйин ўтказиб, битта голга ассистентлик қилган.