Словакиялик ҳимоячи Милан Шкриньяр "Интер"ни тарк этади, у қишда "ПСЖ"га ўтишини эълон қилиб, жамоада ноқулай вазият яратди.
Футболда трансферни олдиндан эълон қилиш одатий ҳол эмас, чунки бундай лаҳзалар футболчиларнинг мотивацияси борасида саволлар туғдиради.
Агар "Интер" Чемпионлар Лигасида "ПСЖ" билан ўйнаши керак бўлса, унда нима бўлар эди? Шкриньяр энди "ПСЖ"га ўтишини эълон қилганидан кейин унга таҳдидлар бўлганини маълум қилди.
"Клубни ўзгартиришга қарор қилганимдан кейин ОАВ мени қаттиқ танқид қилди. Менга турли таҳдид ва ҳақоратлар келди, бу, айниқса, оилам учун осон бўлмади", дея футболчининг сўзларидан иқтибос келтиради Италиянинг ITASportPress агентлиги.
