Аргентина терма жамоаси ярим ҳимоячиси Энцо Фернандес Лондоннинг “Челси” клубини тарк этиш ниятида эмас. Бу ҳақда унинг отаси журналистларга берган интервьюсида айтиб ўтди.
"Энцо "Челси"да ўзини яхши ҳис қилмоқда, Лондонда яшаш қулай. Энцо Почеттинони кўриб хурсанд бўлди. Биз ишонамиз ва умид қиламизки, янги мавсумда ҳаммаси яхши бўлади", - деди "Челси" футболчисининг отаси.
Фернандес 120 миллион евро эвазига Лиссабоннинг Бенфика клубидан "Челси"га ўтди. Томонлар 2031 йилнинг ўрталаригача ҳисобланган узоқ муддатли шартнома туздилар.
Энцо Англия Премьер-лигасининг ўтган мавсумида 18 та ўйинда майдонга тушиб, 2 та голли узатмани амалга оширди.
