Лондоннинг "Челси" ҳимоячиси Тьяго Сильва фаолиятидаги энг қийин давр ҳақида гапирди.
"Мен Россияда олти ой яшадим. Бу ҳаётимдаги энг ёмон даврлардан бири эди. Яна футбол ўйнашим мумкинми, билмасдим. Ўпкамни операция қилишимни хоҳлашди, ҳар куни дори ичиб, сайр қилдим. Вақт ўтиши билан футбол ўйнашга қайтиб, орзумни амалга оширишга муваффақ бўлдим. Бу босқичдан ўтишим биланоқ ғалаба қозонишимни англадим. Мен орзумни рўёбга чиқардим ва кўплаб совринларни қўлга киритдим”, - деди Сильва "кўклар" матбуот хизматига.
38 ёшли марказий ҳимоячининг "Челси" билан шартномаси келаси йилнинг ўрталарига қадар тузилган.
