Мюнхеннинг “Бавария” клуби Туриннинг “Ювентус” клуби ҳужумчиси Душан Влаховичнинг нархини қандай арзонлаштириш йўлини ўйлаб топди.
La Stampa нашри хабарига кўра, "қизил машина" ўз ҳимоячиси Бенжамин Паварни шартнома муддати тугашига бир йил қолганда ўз клубини ўзгартирмоқчи бўлган сербиялик футболчининг эвазига таклиф қилмоқчи.
Эслатиб ўтамиз, “Ювентус” аввалроқ Влаховични 80 миллион евродан ортиқ баҳолаган эди. Манба берган хабарга кўра, "кекса синьора" Паварга қизиқмоқда ва Бенжаминни қўлга киритиш учун сербиялик футболчининг нархини пасайтириши мумкин.
Эслатиб ўтамиз, аввалроқ "МЮ" Паварга яна бир даъвогар сифатида кўрилганди.
