Асли малилик, Англиянинг “Вулверхемптон Уондерерс” клуби ва Испания терма жамоаси ҳужумчиси Адама Траоре Рамазон ойида бошланган хайрия ишлари туфайли ҳужжатли фильм мавзусига айланди, деб хабар бермоқда Express & Star.
Ўйинчига бағишланган фильм "Адама Траоре: Муқаддас ой" деб номланган.
Футболчи бу йил Рамазон ойида Буюк Британиядаги ётоқхоналар ва меҳмонхоналарда яшовчи қочқинлар ҳузурига бориб, уларга совғалар улашди ва ўз тарихи билан ўртоқлашди. Адама Испаниянинг энг ноқулай ҳудудларидан бирида малилик муҳожирлар оиласида ўсган, аммо шунга қарамай, футболда муваффақият қозона олди.
Шунингдек, у озиқ-овқат тарқатувчи жойда маҳсулотлар учун жавонлар қуришда ёрдам берди, бошқа кўнгиллилар билан уйсизларга озиқ-овқат тарқатди ва ногирон болаларга футбол усулларини кўрсатди.
Адама Траоре ўз вақтини ва пулини хайрия ишларига сарфлайдиган ягона мусулмон спортчи эмас. Бу йил “Бавария”нинг сенегаллик ҳужумчиси Садио Мане Сенегалдаги хайрия ишлари учун Сократ мукофотини олди. "Ливерпул" юлдузи, мисрлик Муҳаммад Салоҳ эса Sunday Times нашрининг сахий инсонлар рейтингида 8-ўринни эгаллади.
Шуни ҳам айтиш лозимки, Адама Траоре футболчи бўлмаганда бемалол таржимонлик билан кун кечирса ҳам бўларди: у 6 та тилни билади.
