Хорватия терма жамоаси бош мураббийи Златко Далич Миллатлар лигаси финалида Испания терма жамоасига қарши ўйин натижаларини сарҳисоб қилди.
"Биз учун жуда қийин дақиқалар бўлди. Афсуски, биз бу совринни юта олмадик. Бироқ биз ўзимиз билан фахрланишимиз мумкин.
Бугунги оқшом Хорватия дунёнинг энг яхши жамоалари билан рақобатлаша олишини яна бир бор исботлади", - дея мутахассиснинг сўзларидан иқтибос келтиради УEФА расмий сайти.
Хорватия ва Испания терма жамоалари ўртасидаги финал учрашуви 0:0 ҳисобидаги дуранг билан якунланди.
Кубок тақдири пенальтилар сериясида ҳал бўлди, бунда пиренейлик футболчилар аниқроқ ҳаракат қилишди - 5:4.
