Xorvatiya terma jamoasi bosh murabbiyi Zlatko Dalich Millatlar ligasi finalida Ispaniya terma jamoasiga qarshi o‘yin natijalarini sarhisob qildi.
"Biz uchun juda qiyin daqiqalar bo‘ldi. Afsuski, biz bu sovrinni yuta olmadik. Biroq biz o‘zimiz bilan faxrlanishimiz mumkin.
Bugungi oqshom Xorvatiya dunyoning eng yaxshi jamoalari bilan raqobatlasha olishini yana bir bor isbotladi", - deya mutaxassisning so‘zlaridan iqtibos keltiradi UEFA rasmiy sayti.
Xorvatiya va Ispaniya terma jamoalari o‘rtasidagi final uchrashuvi 0:0 hisobidagi durang bilan yakunlandi.
Kubok taqdiri penaltilar seriyasida hal bo‘ldi, bunda pireneylik futbolchilar aniqroq harakat qilishdi - 5:4.
