Бельгия терма жамоаси устози Доменико Тедеско Австрия билан бўлган баҳсда Тибо Куртуа билан бўлган муаммо ҳақида гапирди. У шундай дейди:
"Биргаликда Лукаку сардор бўлиб тушиши ҳақида келишиб олдик. Эстонияга қарши эса Куртуа сардорлик боғичида ҳаракат қилиши керак эди. Аммо ўйиндан кейин Куртуа мени олдимга келиб, сардорлик унга берилмаганидан жаҳли чиққанини, шу сабаб терма жамоанинг кейинги баҳсида иштирок этмаслигини билдирди.
Бундан ҳайратда қолдим. Мен уни футболчи ва инсон сифатида қаттиқ ҳурмат қилардим. Тибу нега ундай қилганини билмайман".
