Belgiya terma jamoasi ustozi Domeniko Tedesko Avstriya bilan bo‘lgan bahsda Tibo Kurtua bilan bo‘lgan muammo haqida gapirdi. U shunday deydi:
"Birgalikda Lukaku sardor bo‘lib tushishi haqida kelishib oldik. Estoniyaga qarshi esa Kurtua sardorlik bog‘ichida harakat qilishi kerak edi. Ammo o‘yindan keyin Kurtua meni oldimga kelib, sardorlik unga berilmaganidan jahli chiqqanini, shu sabab terma jamoaning keyingi bahsida ishtirok etmasligini bildirdi.
Bundan hayratda qoldim. Men uni futbolchi va inson sifatida qattiq hurmat qilardim. Tibu nega unday qilganini bilmayman".
