Миланнинг “Интер” клуби ҳужумчиси Хоакин Корреа тез орада фаолиятини Англия премьер-лигасида давом эттириши мумкин.
La Gazzetta dello Sport хабарига кўра, аргентиналик ҳужумчи хизматларига Лондоннинг "Вест Хэм" ва "Эвертон" каби жамоалар қизиқиш билдирмоқда.
Аввалроқ Корреа энди "Интер" раҳбариятининг режаларига киритилмагани хабар қилинганди. Аргентиналик футболчи “нерадзуррилар” сафида икки мавсумни ўтказди ва икки марта Италия кубогини қўлга киритди. “Интер” бош мураббийи Симоне Индзаги билан Хоакин “Лацио” таркибида ҳам ишлаган.
Италия А Сериясининг сўнгги мавсумида Корреа учта гол урди ва битта голли узатмани амалга оширди.