"Манчестер Юнайтед" ярим ҳимоячиси Фред фаолиятини "Фулхэм"да давом эттириши мумкин.
Манбага кўра, манкунианликлар 30 ёшли бразилиялик учун тахминан 20 миллион фунт олмоқчи. "Фулхэм" бундай суммани тўлашга тайёр эмас, аммо музокараларда муросага эришишга умид қилмоқда.
Фред 2018 йилдан буён “Манчестер Юнайтед”да тўп тепади. Ўтган мавсумда у жамоа сафида барча турнирларда 56 та ўйинда майдонга тушиб, 6 та гол урди ва 6 та голли узатмани амалга оширди. Унинг "Манчестер Юнайтед" билан шартномаси 2024 йилнинг ёзида якунига етади.