"Милан"га тегишли ярим ҳимоячи Сандро Тонали фаолиятини Англия премьер-лигасида давом эттириш имкониятига эга.
The Athletic журналистларининг ёзишича, футболчининг хизматларига "Ньюкасл" қизиқиш билдирмоқда.
Инглиз клуби раҳбарияти футболчи учун 50 миллион евро таклиф қилишга тайёр. “Ньюкасл”дан ташқари Тоналига Лондоннинг “Челси”си ҳам қизиқиш билдирмоқда, бироқ пойтахт клуби италиялик футболчини қўлга киритиш борасида ҳали ҳеч қандай қадам ташлагани йўқ.
Ўтган мавсумда Сандро "россонерилар" сафида 48 та ўйинда қатнашиб, иккита гол ва ўнта голли узатмани амалга оширган. Унинг шартномаси 2027 йилнинг июнигача амал қилади.
