"Milan"ga tegishli yarim himoyachi Sandro Tonali faoliyatini Angliya premyer-ligasida davom ettirish imkoniyatiga ega.
The Athletic jurnalistlarining yozishicha, futbolchining xizmatlariga "Nyukasl" qiziqish bildirmoqda.
Ingliz klubi rahbariyati futbolchi uchun 50 million yevro taklif qilishga tayyor. “Nyukasl”dan tashqari Tonaliga Londonning “Chelsi”si ham qiziqish bildirmoqda, biroq poytaxt klubi italiyalik futbolchini qo‘lga kiritish borasida hali hech qanday qadam tashlagani yo‘q.
O‘tgan mavsumda Sandro "rossonerilar" safida 48 ta o‘yinda qatnashib, ikkita gol va o‘nta golli uzatmani amalga oshirgan. Uning shartnomasi 2027 yilning iyunigacha amal qiladi.
