"Dinamo" PFK 2026-yilgi mavsumning ikkinchi yarmi oldidan tarkibni kuchaytirish va seleksiya jarayonini boshlab yubordi.
Klub o‘tgan yarim yillik yakunlaridan kelib chiqib, tarkibni yangilash jarayonini davom ettirmoqda. 2025 yilgi mavsumda "Dinamo" sharafini himoya qilib, qisqa vaqt ichida samarqandlik futbol muxlislarining mehrini qozonishga ulgurgan yarim himoyachi Marko Stanoyevich jamoa safiga qaytdi.
Serbiyalik 37 yoshli tajribali yarim himoyachi o‘z vatanidagi yarim yillik faoliyatidan so‘ng, yana "Dinamo" bilan shartnoma imzoladi. Kelishuvga ko‘ra, u 2026-yil yakuniga qadar Samarqand klubi sharafini himoya qiladi.
Klub rahbariyati va murabbiylar shtabi Marko Stanoyevich o‘zining ajoyib o‘yinlari hamda katta maydondagi tajribasi bilan "Dinamo"ning chempionat ikkinchi davrasidagi g‘alabalariga munosib hissa qo‘shishiga ishonch bildirgan.













