"Интер" ва "Ювентус" "Лацио" ярим ҳимоячиси Сергей Милинкович-Савични сотиб олиш имкониятини кўриб чиқмоқда, дея хабар беради журналист Жанлука Ди Марцио.
Манбага кўра, Италия футболининг ҳар икки гиганти футболчи бўйича сўров билан чиқишган, аммо ҳозирча аниқ ҳеч нарса таклиф қилишмаган. "Лацио" ўз етакчисини сотишдан камида 40 миллион евро олиш ниятида.
2022/2023 йилги мавсумда Милинкович-Савич "Лацио" сафида барча мусобақаларда 47 та ўйинда майдонга тушиб, 11 та гол ва 8 та голли узатмага муаллифлик қилган.