"Inter" va "Yuventus" "Lasio" yarim himoyachisi Sergey Milinkovich-Savichni sotib olish imkoniyatini ko‘rib chiqmoqda, deya xabar beradi jurnalist Janluka Di Marsio.

Manbaga ko‘ra, Italiya futbolining har ikki giganti futbolchi bo‘yicha so‘rov bilan chiqishgan, ammo hozircha aniq hech narsa taklif qilishmagan. "Lasio" o‘z yetakchisini sotishdan kamida 40 million yevro olish niyatida.

2022/2023 yilgi mavsumda Milinkovich-Savich "Lasio" safida barcha musobaqalarda 47 ta o‘yinda maydonga tushib, 11 ta gol va 8 ta golli uzatmaga mualliflik qilgan.