Ҳуқуқлари "Хетафе"га тегишли бўлган дарвозабон Давид Сория "Реал"га ўтишдан бош тортди. Бу ҳақда SER Deportivos журналистлари хабар бермоқда.
Манбанинг таъкидлашича, "қироллик" клуби ёзда сотилиши мумкин бўлган украиналик Андрей Лунин ўрнига 30 ёшли дарвозабонни сотиб олишни кутганди. Бироқ Сория рад жавобини берди ва ҳозирги клубида қоладиган бўлди.
Эслатиб ўтамиз, Девид мадридликлар академияси тарбияланувчиси ҳисобланади.
Испания чемпионатининг сўнгги мавсумида Сория 38 та ўйин ўтказиб, 45 та гол ўтказиб юборган. 15 учрашувда у дарвозаси дахлсизлигини сақлаб қолди.
