"Ювентус" ярим ҳимоячиси Артур Мело клубни текинга тарк этиши мумкин.
Хабарларга кўра, 26 ёшли бразилиялик футболчига "Брайтон", "Гремио", "Фламенго" ва "Флуминенсе" клублари қизиқиш билдиришган, бироқ клубларнинг ҳеч бири музокараларда олдинга силжишга эришмаган. "Ювентус" футболчини ўз режаларига киритмагани сабабли, клуб 2025 йилгача мўлжалланган шартномани бекор қилиши мумкин.
2022/23 йилги мавсумда Артур "Ливерпуль"да ижара асосида ўйнади, бироқ жароҳатлар туфайли ярим ҳимоячи мерсисайдликлар сафида фақат битта ўйин ўтказди.