"Рома"нинг собиқ ҳужумчиси Франческо Тотти римликлар ҳужумчиси Пауло Дибаланинг қайси шартда жамоада 10-рақамга эга бўлишини айтди.
"Дибала "Рома"да 10-рақамга лойиқми? Агар у шу ерда яна 10-20 йил қолса, бунга лойиқ бўлади", - дея Тоттидан иқтибос келтиради GOAL.
Тотти 2017 йилда футболчилик фаолиятини якунлаганини эълон қилди. Фаолиятининг кўп қисмини у "Рома"да 10-рақам остида ўйнаган. Тотти кетганидан сўнг "Рома"нинг бирорта футболчиси бу рақам билан майдонга тушмади.
Дибала ўтган ёзда "Рома"га ўтган эди. 2022/23 йилги мавсумда аргентиналик футболчи жамоаси сафида 38 та ўйин ўтказиб, 18 та гол урди ва 8 та голли узатмани амалга оширди.
