Футзал бўйича Ўзбекистон миллий терма жамоаси футболчилари Вьетнамнинг Хо Ши Мин шаҳрида ўтказиладиган халқаро турнирда иштирок этиш учун Вьетнамга етиб борди.
Аввал хабар бериб ўтганимиздек , Вьетнамдаги турнир бироз ноодатий форматда бўлиб ўтади. Ўзбекистон терма жамоаси ўзининг илк ўйинини 24 октябрь куни Вьетнам терма жамоасига қарши ўтказади. Мазкур ўйин ўртоқлик учрашуви мақомида ўтказилади.
Хосе Мария Мендес бошчилигидаги Ўзбекистон терма жамоаси футзачилари ўзларининг илк расмий учрашувини 25 октябрь куни Кувайт терма жамоасига қарши ўтказади. Терма жамоанинг Кувайтга қарши учрашуви бўлиб ўтадиган куни Вьетнам ҳамда Италия терма жамоалари ҳам ўзаро куч синашадилар.
Ўзбекистон терма жамоаси ўзининг сўнгги учрашувинни Италия терма жамоаси футзалчиларига қарши ўтказади. Мазкур баҳс 27 октябрь куни бўлиб ўтади.
Ўзбекистон терма жамоаси бош мураббийи Хосе Мария Мендес Вьетнамга йўл олган таркибни аниқлашда, айтарли муаммоларга дуч келмаганини таъкидлаш лозим. Бунга октябрь ойи ўрталарида старт олган футзал бўйича Ўзбекистон чемпионатининг биринчи тур баҳслари ёрдам берди, дейиш мумкин. «Бунёдкор» сафида чемпионат баҳсларининг илк турларида ўзини кўрсата олган Ғулом Мамажонов яна бир бора терма жамоа сафига чақирилганини таъкидлаш лозим. Шунингдек, «Локомотив» клуби аъзоси Даврон Чориев ҳам Хосе Мария Мендеснинг эътиборидан четда қолмади.
Ўзбекистон терма жамоаси ўз сафида биргина йўқотишга дуч келганини ҳам эслатиб ўтиш жоиз. «Чирчиқ-Максам» клуби аъзоси Умид Холматов чемпионат ўйинларидан бирида олган жароҳати туфайли терма жамоага Вьетнам турнирида ёрдам бера омайдиган бўлди.
Вьетнамдаги турнирга йўл олган Ўзбекистон терма жамоаси таркиби:
|
№ |
|
Футболчилар |
Т.Й. |
Клуб |
|
|
Даровзабонлар |
|||
|
1 |
Рустам Умаров |
26.05.1984 |
Локомотив |
|
2 |
Олег Тукмаков |
25.11.1992 |
Пахтакор |
|
Ўйинчилар |
|||
|
3 |
Нодир Элибоев |
02.10.1982 |
Локомотив |
|
4 |
Дилшод Ирсалиев |
31.12.1983 |
БТА Футзал (Қозоғистон) |
|
5 |
Ғулом Мамажонов |
02.01.1987 |
Бунёдкор |
|
6 |
Жамолиддин Шарипов |
12.08.1985 |
Ардус |
|
7 |
Константин Свиридов |
11.03.1988 |
Локомотив |
|
8 |
Фарход Абдумавлонов |
12.11.1987 |
БТА Футзал (Қозоғистон) |
|
9 |
Дилшод Рахматов |
04.12.1989 |
Ардус |
|
10 |
Артур Юнусов |
08.10.1987 |
Локомотив |
|
11 |
Мақсуд Файзуллаев |
17.04.1986 |
Максам-Чирчик |
|
12 |
Олег Холмуҳамедов |
25.11.1985 |
БТА Футзал (Казахстан) |
