2022/2023 йилги мавсумда ярим ҳимоячи Леандро Паредес "Ювентус"да ижара асосида ўйнади. Яқинда Турин клуби аргентиналик футболчининг "ПСЖ"га қайтишини маълум қилганди. Миш-мишлар энди 28 ёшли Паредесни "Галатасарой" билан боғламоқда.
Журналист Гастон Эдулнинг хабарига кўра, "Галатасарой" ҳалигача Паредесни қўлга киритиш учун таклиф билан чиқмади ва футболчининг атрофидагилар билан ҳам боғланмади.
Қайд этилишича, Паредес "ПСЖ" билан мавсумолди машғулотларини бошламоқчи ва шундан кейингина келажаги борасида бир қарорга келади.