Испания жамоаси келаси мавсумда Конференция лигасида ўйнамаслиги мумкин.

Эслатиб ўтамиз, УЕФА инспекторлари 2013/14 йилги мавсумдаги келишилган ўйинлар туфайли "Осасуна"ни Конференциялар лигасидан четлатишни тавсия қилганди. Бу борадаги қарор 1 июль куни қабул қилинади.

Агар УЕФА Этика ва интизом қўмитаси "қизиллар"ни дисквалификация қилиш тўғрисида қарор қабул қилса, клуб CASга мурожаат қилиши мумкин бўлади. Агар Спорт арбитраж суди 7 августга қадар "Осасуна" фойдасига қарор чиқарса, клуб еврокубоклар турнирида иштирок этиши мумкин бўлади. Агар шу санагача қарор қабул қилинмаса, "Осасуна" Конференциялар лигасини ўтказиб юборади.

Агар CAS 7 августга қадар Памплона клубини четлатиш қарорини қўллаб-қувватласа, у ҳолда "Атлетик" Испания шарафини Конференциялар лигасида ҳимоя қилади.