Лондоннинг "Арсенал" клуби "Вест Хэм" ярим ҳимоячиси Деклан Райс учун 122 миллион евро (бонуслар билан бирга) таклиф қилди. "Болғачилар" рад этишди, гарчи бу трансфер инглиз футболчилари учун рекорд суммага айланиши мумкин эди. Бу ҳақда журналист Девид Орнштейн Twitter'да хабар берди.
2021 йилнинг ёзида "Манчестер Сити" Жек Грилиш учун "Астон Вилла"га 117,5 миллион евро тўлаган. Бу нафақат инглиз футболчиси, балки барча британиялик футболчилар учун рекорд маблағдир. "Вест Хэм" Райс учун 128 миллион евро сўрамоқда.
Райс учун яна бир даъвогар "Манчестер Сити" ҳисобланади.
