"Интер"нинг камерунлик дарвозабони Андре Онананинг трансфери "Манчестер Юнайтед" учун устувор мақсад ҳисобланади. Инглиз клуби 50 миллион евролик таклиф билан чиқишга тайёрланмоқда, деб хабар беради TalkSport.
"Қизил иблислар" Давид де Хеа кетиши мумкинлиги муносабати билан янги дарвозабон қидирмоқда. Унинг манкунианликлар билан шартномаси 30 июнь куни тугайди, шартнома узайтирилган тақдирда дарвозабон маошини сезиларли даражада камайтиришга мажбур бўлади.
Онана 2022 йилнинг ёзида эркин агент сифатида "Интер"га ўтган эди. Дарвозабон “нерадзуррилар” билан биргаликда Чемпионлар Лигаси – 2022/2023 финалчисига айланди. Ўтган мавсумда барча турнирларда Онана “Интер” сафида 41 та ўйин ўтказиб, 36 та гол ўтказиб юборган.