"Inter"ning kamerunlik darvozaboni Andre Onananing transferi "Manchester Yunayted" uchun ustuvor maqsad hisoblanadi. Ingliz klubi 50 million yevrolik taklif bilan chiqishga tayyorlanmoqda, deb xabar beradi TalkSport.
"Qizil iblislar" David de Xea ketishi mumkinligi munosabati bilan yangi darvozabon qidirmoqda. Uning mankunianliklar bilan shartnomasi 30 iyun kuni tugaydi, shartnoma uzaytirilgan taqdirda darvozabon maoshini sezilarli darajada kamaytirishga majbur bo‘ladi.
Onana 2022 yilning yozida erkin agent sifatida "Inter"ga o‘tgan edi. Darvozabon “neradzurrilar” bilan birgalikda Chempionlar Ligasi – 2022/2023 finalchisiga aylandi. O‘tgan mavsumda barcha turnirlarda Onana “Inter” safida 41 ta o‘yin o‘tkazib, 36 ta gol o‘tkazib yuborgan.