"Лацио" ҳужумчиси Лука Ромеро "Милан"га ўтишга яқин турибди.
Инсайдер Фабрицио Романо берган хабарга кўра, бугун 18 ёшли аргентиналик футболчининг агенти "россонерилар" вакиллари билан учрашиб, футболчининг эркин агент сифатида жамоага ўтиши бўйича музокараларни якунлайди.
Миланликлар футболчи билан узоқ муддатли шартнома имзолашни режалаштирмоқда.
2022/23 йилги мавсумда Ромеро “Лацио” сафида 12 та ўйинда майдонга тушиб, 1 та гол урган. Transfermarkt.com портали ҳужумчининг нархини 3 миллион еврога баҳоламоқда.