Украинанинг амалдаги чемпиони «Шахтёр» бу сафар ўз уйида «Челси»ни қабул қилиб ғалаба қозонди.
Учрашувда украиналиклар дарҳақиқат ғалабага муносиб футбол кўрсатишди. Ҳисоб биринчи бўлимнинг ўзидаёқ йирик кўриниш олиши мумкин эди. Бироқ Петр Чех лондонликлар бахтига бир қатор вазиятларда жамоасини муқаррар голлардан қутқариб қолди. Сўнгги дақиқаларга келиб жамоанинг жонланиши эса фойда бергани йўқ.
Гуруҳнинг иккинчи учрашуви ҳам кутилмаган натижа билан интиҳо топди. Яққол очко улашувчи жамоаси сифатида кўрсатилган Даниянинг «Нордшелланд» клуби «Ювентус»ни сал бўлмаса мағлуб этиши мумкин эди. Бироқ Вучиничнинг голи туринликларни мағлубиятдан қутқариб қолди.
ЧЕМПИОНЛАР ЛИГАСИ
3-тур
E ГУРУҲИ
ШАХТЁР (Украина) – ЧЕЛСИ (Англия) 2:1 (1:0)
Голлар: Алекс Тейшейра (3), Фернандиньо (52) – Оскар (88).
Шахтер: Пятов, Срна, Кучер, Ракицкий, Рац, Гюбшман, Фернандиньо, Мхитарян, Алекс Тейшейра (Илсиньо, 82), Виллиан (Коста, 88), Луис Адриано.
Челси: Чех, Иванович, Давид Луиз, Терри, Э. Коул, Оби Микел, Рамирес, Лэмпард (Э. Азар, 18), Оскар, Мата, Торрес (Старридж, 70).
Огоҳлантиришлар: Э. Коул (22), Кучер (67), Давид Луиз (80), Гюбшман (86).
НОРДШЕЛЛАНД (Дания) – ЮВЕНТУС (Италия) 1:1 (0:0)
Голлар: Бекманн (50) – Вучинич (81).
Нордшелланд: Хансен, Паркхерст, Окоре, Рунье, Мтилига, Аду, Стокхольм, А. Лаудруп (Кристенсен, 70), Лорентсен (Кристиансен, 88), Джон, Бекманн (Нордстранд, 67).
Ювентус: Буффон, Лусио (Бендтнер, 76), Бонуччи, Кьеллини, Видаль (Джаккерини, 83), Пирло, Маркизио, Исла, де Челье, Матри (Вучинич, 70), Джовинко.
Огоҳлантиришлар: Маркизио (37), Кьеллини (49), Рунье (68), Мтилига (83).
Учинчи турдан кейин турнир жадвали қанчалик ажабланарли кўринмасин, қуйидагича кўриниш олган:
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Шахтёр | 3 | 2 | 1 | 0 | 5-2 | 7 |
| 2 | Челси | 3 | 1 | 1 | 1 | 7-4 | 4 |
| 3 | Ювентус | 3 | 0 | 3 | 0 | 4-4 | 3 |
| 4 | Нордшеллан | 3 | 0 | 1 | 2 | 1-7 | 1 |
