Мадриднинг “Реал” клуби ҳужумчилар сафида Саудия Арабистонига жўнаб кетган франциялик Карим Бензема ўрнига янги ҳужумчи излашда давом этмоқда.
Журналистларнинг фикрича, “қироллик” клуби назарида Аргентина терма жамоаси ва Миланнинг “Интер” клуби ҳужумчиси Лаутаро Мартинес турибди. Мадридликлар Килиан Мбаппенинг трансфери борасида келиша олмаса, 25 ёшли жаҳон чемпиони билан шартнома имзолашга ҳаракат қилади.
Лаутаро “Интер” сафида 2018 йилнинг июлидан буён ўйнайди. Томонлар ўртасидаги шартнома муддати 2026 йилнинг ўрталаригача ҳисобланган. Ҳужумчининг трансфер қиймати 85 миллион еврога баҳоланмоқда.
