Лондоннинг “Арсенал” клуби спорт директори лавозимини эгаллаб турган футбол функционери Эду Гаспар германиялик вингер Кай Хаверцнинг трансфери ҳақида гапирди.

“Биз Хаверцнинг трансферини ташкил қилганимиздан хурсандмиз. Клуб бу келишувни амалга ошириш учун катта ишни амалга оширди. У жамоага кўп қирралилик ва ажойиб ҳужумкорлик фазилатларини олиб келади. Бу ёш ўзагимизни мустаҳкамлаш йўлидаги муҳим қадамдир. Биз у билан иш бошлашни интиқлик билан кутамиз", - дея спорт директорининг сўзларини келтиради клуб матбуот хизмати.

Хаверц ўтган мавсумда "Челси"да ўйнаган. "Аристократлар" сафида у 35 та ўйин ўтказиб, 7 та гол ва битта голли узатмани амалга оширган.