Londonning “Arsenal” klubi sport direktori lavozimini egallab turgan futbol funksioneri Edu Gaspar germaniyalik vinger Kay Xaversning transferi haqida gapirdi.

“Biz Xaversning transferini tashkil qilganimizdan xursandmiz. Klub bu kelishuvni amalga oshirish uchun katta ishni amalga oshirdi. U jamoaga ko‘p qirralilik va ajoyib hujumkorlik fazilatlarini olib keladi. Bu yosh o‘zagimizni mustahkamlash yo‘lidagi muhim qadamdir. Biz u bilan ish boshlashni intiqlik bilan kutamiz", - deya sport direktorining so‘zlarini keltiradi klub matbuot xizmati.

Xavers o‘tgan mavsumda "Chelsi"da o‘ynagan. "Aristokratlar" safida u 35 ta o‘yin o‘tkazib, 7 ta gol va bitta golli uzatmani amalga oshirgan.