"Тоттенхэм" ярим ҳимоячиси Эрик Дайер ёзда "Туманли Албион"ни тарк этиши мумкин. Экрем Конурнинг ёзишича, ярим ҳимоячида фаолиятини Саудия Арабистони чемпионатида давом эттириш имконияти бор.
29 ёшли англиялик футболчининг хизматларига номи ошкор қилинмаган бир клуб қизиқиш билдирмоқда. Эрикнинг трансфер нархи 18 миллион евро.
Дайер 2014 йилнинг ёзидан бери "Тоттенхэм"да ўйнамоқда. Англия премер-лигасининг сўнгги мавсумида ярим ҳимоячи 33 та ўйинда майдонга тушиб, иккита гол ва битта голли узатмага муаллифлик қилган. Унинг "шпорлар" билан шартномаси 2023/2024 йилги мавсум охиригача амал қилади.